Қазақстан жасанды интеллект көзімен – Алматыдағы «Нейроқазақстан»
Алматыда Қазақстанды жасанды интеллект арқылы көрсететін инновациялық көркемөнер көрмесі ашылды. «Нейроқазақстан-2024» жобасы аясында ашылған көрмеге 120-дан астам картина қойылған.
Жоба қонақтары еліміздің табиғаты, сәулеті, тағамдары, нейрондық желілердің көмегімен жасалған материалдық мәдениет элементтері туралы балама шолуды көре алады. Көрмеге экспозицияны өз шығармашылығымен толықтыратын қазақстандық авторлардың туындылары да қойылды. Ұйымдастырушылар экспозициямен танысуға мүмкіндік беретін тақырыптық қызықты квест дайындады, әр адам тікелей смартфонынан көрмеге арналған аудиогидті тыңдай алады.
Жоба аясында «Нейроқазақстан-2024» үшін арнайы жасалған «цифрлық эволюция» иммерсивті фильмі ұсынылды. Мультимедиялық залдың қабырғалары мен едендеріне бейнелерді проекциялау арқылы көпшілік көрермен идеялар мен материя әлемін бейнелі түрде қайта елестете алады.
Көрме 2024 жылдың 27 сәуіріне дейін Алматы қаласының Орталық көрме залы Желтоқсан көшесі, 137 мекенжайы бойынша жұмыс істейді.
ҚР Мәдениет және ақпарат министрлігінің баспасөз қызметі