Президенттің кеңесшісі Қанат Бозымбаев Су технологиялары мен ресурстары жөніндегі халықаралық форумда еліміздің су ресурстары проблемасына ғана мамандандырылатын базалық жоғары оқу орындарының бірін қалпына келтіру мәселесі қаралып жатқанын хабарлады. Атап айтқанда, 1998 жылға дейін жұмыс істеген Жамбыл гидромелиорациялық институтын қайта құруды көздедуде.
«Өкінішке қарай, біздің бір саладағы ғылыми зерттеулеріміз шетелдік зерттеулерден артта қалып отыр. Қазір сала бұрынғыдан да сапалы кадрларға мұқтаж. Бізге су саласы үшін мамандар даярлау кезінде білім беру стандарттары мен тәсілдерін қайта қарау қажет. Еліміздің су тақырыбына маманданған базалық жоғары оқу орындарының бірін қалпына келтіру мәселесі қарастырылуда «, — деді Бозымбаев.
Кейін ол мұндай жоғарғы оқу орны Таразда құрылатынын нақтылады.
Естеріңізге сала кетейік, бұл идея Қазақстандық «Байтақ» жасылдар партиясының 2023 жылғы 17 тамызда ұйымдастырған сарапшылардың қатысуымен өткен дөңгелек үстелінде айтылған болатын.