Автор: asylbek

Кеше «Байтақ» жасылдар партиясының төрағасы жаңадан ашылған «BAIMEDIA» МЕДИА-ХОЛДИНГІНІҢ ұжымын мерекемен құттықтап, қызметтік куәліктер табыстады. Естеріңізге сала кетсек біздің медиа-холдингіміз жақында ҚР Мәдениет және ақпарат министрлігінің лицензиясын алып, Президент жанындағы Орталық коммуникациялық қызметінің аккредитациясынан өткен болатын. Холдинг ұжымы алдында ақпарат саласында шынайы жаңалықтарды уақытыл бөлісіп, халықты сапалы ақпаратпен қамтамасыз ету міндеті тұр.

Маңғыстауда 50-ге жуық иттің өлексесін қоқысқа тастай салған Болжам бойынша оқиға Мұнайлы ауданындағы Батыр ауылының маңында болған. Кадрлардан үлкен шұңқырда ит өлекселерінің ашық жатқанын байқауға болады. Бір шұңқырда өлекселермен бірге тірі күшіктер де жатыр. Маңғыстау облыстық ауыл шаруашылығы басқармасы басшысының орынбасары Бердібек Мархабаевтың айтуынша, Мұнайлы ауданына қарасты Батыр ауылының әкімдігімен сөйлескен. Дегенмен елдімекен маңынан иттің өлекселері табылмаған. Әкімдік мамандары ауылда арнайы жою орны барын атады. Қазір тиісті жұмыстар қолға алынып, жағдай бойынша іс-шаралар жүргізілуде.

Салтанатты жиында Мемлекет басшысы «Ару-Ана» үздік әйелдер жобасы байқауының жеңімпаздарын марапаттады Бұл жолы марапат түрлі салада әлеуметтік маңызы бар жобаларды жүзеге асырып, азаматтық қоғамның дамуына елеулі үлес қосып жүрген қыз-келіншектерге алты номинация бойынша табысталды. «Ару-Ана» байқауының жеңімпаздары: 1. «Ауыл әйелдерін дамытуға арналған үздік жоба» номинациясы бойынша – Елшібаева Бақытгүл Қазезбайқызы; 2. «Ғылым саласындағы үздік жоба» номинациясы бойынша – Шакуликова Гүлзада Тәңірбергенқызы; 3. «Азаматтық сана-сезімді дамыту бағытындағы үздік жоба» номинациясы бойынша – Ахмеджанова Әлия Серікболқызы; 4. «Ұлттық мәдени мұраны насихаттау бағытындағы үздік жоба» номинациясы бойынша – Михалёва Анастасия Анатольевна; 5. «Агробизнес саласындағы үздік жоба» номинациясы бойынша – Арқашбаева Ботагөз Махамбетқалиқызы; 6.…

1 сәуірден бастап ЕАЭО елдері импорттық тауарды бақылаудың бірыңғай ережесіне көшеді Жүйе Одаққа мүше елдер үшін импорттық тауарларды бақылау ережелерінің жиынтығы болып табылады. Бұл импорттық тауар айналымының ашықтығын арттырады деп күтілуде.

Қорғаныс министрлігі Украинаға қару-жарақ жіберу туралы ақпаратты жоққа шығарды «БАҚ пен әлеуметтік желіде таралған Қазақстан Украина қарулы күштерінің қажеттілігі үшін ресейлік әскери өнімдерді сатып алу туралы «Укрспецэкспортпен» келіссөздер жүргізіп жатқаны туралы ақпарат шындыққа жанаспайды», делінген хабарламада. 2022 жылдан бастап Қазақстан қару-жарақ пен әскери техниканы экспорттауға тыйым салды. Ведомство тек ресми ақпарат көзіне сенуді сұрайды.

Тоқаев Халықаралық әйелдер күніне арналған мерекелік шараға қатысты Президент әйелдер қауымын мерекемен құттықтады. «Менің бастамаммен өкілді билік саласында сіздерге арнайы квота бөлінді. Қазіргі таңда Парламент пен мәслихаттардағы әйелдердің үлесі артты. Бұл бағыттағы жұмыс жалғаса береді», — деп атап өтті мемлекет басшысы. Сондай-ақ мемлекет тарапынан әйелдерге әрдайым қолдау көрсетілетінін жеткізді.

3 млрд теңге шығын: Қостанайда бюджет қаржысын ұрлады деген күдікпен қылмыстық топ ұсталды Қаржы мониторниг агенттігінің мәліметінше, «BEEF EXPORT GROUP» ЖШС ет өңдеу кәсіпорны директорының басшылығымен ұйымдасқан топқа қатысты қылмыстық іс бойынша сотқа дейінгі тергеу аяқталды. «Топ ұзақ уақыт бойы «ҚР агроөнеркәсіптік кешенін дамыту» ұлттық жобасын іске асыру шеңберінде мемлекет субсидия ретінде бөлген бюджет қаражатын ұрлаумен айналысып, мемлекетке 3 млрд теңгеден астам шығын келтірген. Сотқа дейінгі тергеу барысында күдіктілер 107 млн теңге өтеді, 3,1 млрд теңгенің мүлкіне тыйым салынды», — дейді ведомство. Қылмыстық схемаға 49 адам тартылған, олардың 13 — ұйымдасқан топтың мүшесі, оларға субсидияларды жымқыру, салық төлеуден жалтару, заңсыз…

«Әр балаға 300 мың теңге»: Алматыдағы митингіде қоғам белсендісі аналарға берілетін әлеуметтік төлемдерді арттыруды талап етті «Әйелдердің лайықты өмірі үшін. За достойную жизнь женщин» тақырыбындағы митингіде қоғам белсендісі Бағила Балтабаева ана мен бала мәселесін қайта қарау керектігін айтты. «Қоғамды негізгі құрайтын – ана мен бала, басты мәселе осы. Ана мен баланың жағдайын жасайтын мемлекеттің өркендейтіні анық. Сондықтан бірінші ана мен баланың жағдайын жасау керек. Міне, сіздер соны көтеріңіздер», – деді ол. Сондай-ақ ол митингіде көтеріліп жатқан өзге тақырыптағы мәселелерді сынады. Белсенді аналарға берілетін жәрдемақы мөлшерін арттыруды талап етті.

Қазақстан экологиялық тиімділік рейтингінде Зимбабведен артта қалды – депутат Қазақстан кейінгі жылдары 180 елдің арасында экологиялық тиімділік рейтингінде 93-ші орынға түсіп, Намбия, Габон және Зимбабве сияқты елдерден артта қалды. Біздің еліміз жасыл желекке бөленген елдер рейтингінде 78 елдің ішінде 72-ші орынға келді. Сенатор Советбек Медебаев өзінің депутаттық сауалында ауаның, судың және топырақтың шамадан тыс ластану проблемаларын жария етті. Депутаттың айтуынша, Қазақстанда Астана, Алматы, Ақтөбе, Қарағанды, Жезқазған және Теміртаудағы ауа жоғары деңгейде ластанғаны байқалады. Оның бәрі адамдардың өмірі мен денсаулығына теріс әсер етеді.

Мереке күндері ХҚКО-лар қалай жұмыс істейді 8 наурызды мерекелеуге байланысты бұл күні Қазақстанда ХҚКО-лар мен мамандандырылған ХҚКО-лар жұмыс істемейді. Наурыз мерекесінде, яғни 21-25 наурыз аралығында да орталықтар азаматтарды қабылдамайды. Дегенмен, кезекші орталықтар сенбіде, яғни 9 наурыз күні және 25 наурыз күні сағат 13:00-ге дейін жұмыс істейтінін хабарлаймыз, — делінген хабарламада. Халыққа қызмет көрсету орталықтары 26 наурыздан бастап әдеттегі жұмыс режиміне оралады.