2024 жылдан бастап Қазақстан Халықаралық Аралды құтқару қорына төрағалық етеді. Еліміз осы ұйымды алдағы үш жыл бойы басқарады. Мемлекет басшысы Қасым-Жомарт Тоқаев 2026 жылдың соңына дейін қор президенті болып сайланды. Енді алдағы 3 жыл ішінде Арал теңізін жандандыру үшін бірқатар игі бастамалар қолға алынары сөзсіз.
Айта кету керек, Халықаралық Аралды құтқару қорының құрамына Қазақстан, Тәжікстан, Түрікменстан және Өзбекстан кіреді. Қор Арал теңізін құтқаруға және өңірдің экологиялық жағдайын жақсартуға бағытталған бірлескен жобаларды іске асырумен айналысады.
1960 жылдары тереңдігі 53 метр болған теңіздің қазіргі межесі 20 метр шамасында. Экло¬гиялық дағдарыс салдарынан Құрғаған теңіз түбінен шыққан тұзды шаңдар ауаға тарап, қоршаған ортаға зардабы тиюде. Бұл халықтың да денсаулығына әсер етері сөзсіз. Оның алдын алу үшін 1990 жылдан бері 200 мың гектардан астам жеріне сексуіл ағашы отырғызылған. Аталмыш шара жалғасын тауып, биыл тағы 275 мың гектар сексеуіл егіледі. Осылайша Президент тапсырмасымен 2025 жылға дейін 1,1 млн гектарға жетпек.
Ғалымдар Арал теңізін құтқарудың бірнеше ғылыми жолдарын ұсынуда. Олар, Әмудария мен Сырдария өзендерінің суын реттеу аркылы суды молайту, Каспий теңізінің суын жасанды канал арқылы әкелу, жер асты суларын пайдалану. Әрине оның бәрі уақыт пен қаржының еншісінде. Осыған дейін Өзбекстан Премьер-министрі Абдулла Арипов та халықаралық ұйымдарды Арал теңізіне көьірек қаржы құюға шақырған болатын.