Астана. 15 мамыр. BM.KZ – Қазақстан құрамасының өкілі Жания Бекмұхамбетова Өзбекстанның үстел теннисінен Ташкент қаласында өткен WTT Youth Contender сериясындағы ірі турнирде жеңіске жетті.
13 жасқа дейінгі жас санатында қазақстандық спортшы қарсылас шақ келтірмеді. ҚР ҰОК мәліметінше, жарыс барысында Бекмұхамбетова алты кездесу өткізіп, әрқайсысында жеңіске жеткен.
Финалда теннисшіміз Ясмина Назарованы (Өзбекстан) 3:0 (11:7, 11:3, 11:7) есебімен жеңді.
Бекмұхамбетова әлемдік рейтингіде жетінші орында тұр.