Астана. 8 тамыз. /Нұргүл Ерғалиқызы/ BM.KZ – 80 жастағы зейнеткер сотқа жүгініп, 8 баласы мен бір немересінен өзін асырап-бағу үшін алимент төлеуді талап етті. Бұл туралы Жоғарғы сот хабарлады.
Зейнеткердің айтуынша, он жылдан астам уақыттан бері жалғыз тұрады. Сол уақыт аралығында бір ұлы ғана анда-санда хабарласып тұрған. Қалған ұл-қыздары мен немересі тарапынан ешқандай материалдық немесе моральдық қолдау көрсетілмеген.
Жасы келген қарияның денсаулығы нашарлап, көмекке зәру болған. Тіпті, зейнетақысы дәрі-дәрмегі мен күнделікті тамағына жетпейді екен.
«Неке (ерлі-зайыптылық) және отбасы туралы» Кодекстің 145-бабының 1-тармағына сәйкес кәмелетке толған еңбекке қабілетті балалар көмекке мұқтаж еңбекке жарамсыз ата-аналарын асырауға және оларға қамқорлық жасауға міндетті. Сондықтан, сот зейнеткерге әр баласы мен немересіне алимент төлеуге міндеттеді.
«Атырау қалалық соты тараптардың әрқайсысының материалдық және отбасылық жағдайына талдау жасап, талап қоюшының талаптары ішінара қанағаттандыруға жатады деген қорытындыға келді. Сот зейнеткердің тамағы мен дәрі-дәрмегі үшін 8 баласы мен немересінің әрқайсысынан 3 АЕК мөлшерінде алимент өндірді», – деп жазылған мәлімдемеде.
Айта кету керек, соттың бұл шешімі әзірге заңды күшіне енген жоқ.