Астана. 12 тамыз. BM.KZ – Террористік әрекет жасады деген күдікпен 7 адам сотталды. Олар еліміздің әр өңірінен ұсталған.
Мәселен, Түркістанда шетелдегі террористік ұйымның қызметіне қатысқан жергілікті тұрғынды 8 жылға соттады. Ол бұған дейін шет мемлекет аумағында ұсталып, серіктес арнайы қызметпен бірлесіп Қазақстанға арнайы күзетпен депортацияланған.
Ал, Алматы облысының түзеу мекемесінде жазасын өтеп жүрген радикалды идеологияны ұстанушы кісі өлтіруге әрекеттенгені және терроризмді насихаттағаны үшін тағы 9 жылға сотталды.
Сонымен қатар Алматы, Жамбыл, Батыс Қазақстан облыстары мен Алматы және Астана қалаларының соттары терроризмді насихаттап, шетелдегі соғыс аймақтарына шығуға әрекеттенген бес қазақстандықты 4 жылдан 8 жылға дейін бас бостандығынан айырды.