Ақмола облысы. 21 тамыз. BM.KZ — Біржан Сал ауданының полиция бөлімінің қызметкерлері 2015 жылы туған баланың қайтыс болуы және 2010 жылы туған тағы бір баланың жарақат алу фактісі бойынша сотқа дейінгі тергеп-тексеруді бастады.
Алдын ала мәлімет бойынша, балалар 2025 жылғы 20 тамызда Біржан Сал ауданына қарасты Үлгі ауылында найзағай соғуы салдарынан зардап шеккен.
Оқиға орнына шұғыл қызметтер дереу жетті. Қазір полиция қызметкерлері оқиғаның толық мән-жайын анықтап, барлық қажетті ақпаратты жинақтап жатыр, – деп жазылған полиция мәлімдемесінде.