Астана. 25 қыркүйек. BM.KZ – Еліміздің өңірлерінде егін жинау науқаны жалғасуда.
Дәнді және дәнді-бұршақты дақылдардың жалпы жинау алаңы 16 млн гектардан асса, соның 10,9 млн гектары немесе 68,2%-ы жиналды. Нәтижесінде 16,6 млн тонна астық бастырылды.
Ауыл шаруашылығы тауарын өндірушілер дәнді дақылдардан бөлек, 799,3 мың тонна майлы дақыл, гектарына 224,7 центнер өнімділікпен 1,9 млн тонна картоп және гектарына 298,2 центнер өнімділікпен 2,9 млн тонна көкөніс жинады.
Сонымен қатар, 324,3 ц/га өнімділікпен 405,2 мың тоннадан астам қырыққабат, 412,2 ц/га өнімділікпен 731,2 мың тонна пияз, сондай-ақ 290,2 ц/га өнімділікпен 305,7 мың тонна сәбіз жиналғаны хабарланды.
Ауыл шаруашылығы министрлігінің дерегінше, егін жинау науқаны ұйымдасқан түрде жүріп жатыр және агротехникалық талаптарға сай.