Астана. 7 қазан. BM.KZ – «Орда» тобының солисі Дастан Оразбеков Италияда өткен толық Ironman жарысын еңсерген алғашқы қазақстандық әртіс атанды.
Биыл 20 тамызда Италияның Червия қаласында «Орда» тобының солисі Дастан Оразбеков әлемдегі ең күрделі жарыстардың бірі саналатын толық Ironman қашықтығын сәтті аяқтады.
Осылайша ол бұл сынақты еңсерген алғашқы қазақстандық өнер иесі болды. Ironman жарысы 3,8 км жүзу, 180 км велосипед және 42,2 км марафоннан тұрады. Бұл сынақ Әншінің ресми өкілінің мәліметінше, Дастан үшін тек спорттық жетістік емес, өзіне қойған үлкен мақсат пен рухани жеңіс болды.
Әншінің айтуынша, өмірге, іске және жақындарына деген махаббат адамға кез келген қашықтықты бағындыруға күш береді.
Дастан Оразбековтің бұл жетістігі — табандылық пен рухтың символы. Ол қазақстандық жастарға спортпен айналысуға және денсаулықты нығайтуға шабыт беретін жарқын үлгі болды.