Астана. 1 қараша. BM.KZ — 2025 жылдың 5 қарашасында Ай Жерге барынша жақындайды. Арақашықтық бар болғаны 356 832 шақырымды құрайды. Бұл туралы «Казинформ» хабарлады.
Астрономдардың айтуынша, толық Айдың бұл көрінісі – биылғы нағыз және жалғыз супер Айы болып саналмақ. Себебі ол өз параметрлері бойынша басқа барлық толық Ай көріністерінен асып түседі.
Супер Ай – бұл толық Ай фазасы мен Айдың Жерге барынша жақындайтын сәтінің (перигейдің) тұспа-тұс келуі. Сол себепті Айдың дискі әдеттегіден ірі әрі жарық болып көрінеді. Биылғы супер Ай кезінде ол 7,9% үлкенірек әрі 16% жарығырақ болып байқалады.
Толық Ай фазасы Астана уақытымен 5 қараша күні сағат 18:20-да басталады. Сол түні Айды түнгі аспанда толық көруге болады. Ал 6 қараша күні сағат 03:30-да Ай перигей нүктесіне жетіп, Жерден небәрі 356 832 шақырым қашықтықта орналасады. Дәл осы ең қысқа арақашықтық қарашадағы толық Айды 2025 жылдың басты астрономиялық оқиғасына айналдырады.
Астрономдар супер Айды 5 қараша кешінде, Айдың шығыс көкжиектен көтерілу сәтінде бақылаған жөн деп кеңес береді. Дәл сол кезде ол ең әсерлі және көлемді болып көрінеді.