Астана. 16 сәуір. BM.KZ — Елордадағы мектептердің бірінде кәмелетке толмағандардың қатысуымен құқық бұзушылық фактісі тіркелді, деп хабарлайды Polisia.kz.
Жоғары сынып оқушысы бұрын осы мектепте бірге оқыған қызбен бұзақылық ниетпен сыныптардың біріне газ баллонын шашқан. Сыныпта болған оқушылардың өмірі мен денсаулығына қауіп төнген жоқ.
Осы оқиға бойынша кәмелетке толмағандардың жеке бастары анықталды. Олардың әрекеттеріне құқықтық баға берілді.
Анықталғандай, газ баллонын тікелей шашқан кәмелетке толмаған бұған дейін бірнеше рет үйінен себепсіз кету бойынша профилактикалық есепте тұрған. Аталған факті бойынша оқу орнында профилактикалық жұмыс ұйымдастырылды.
Жасөспірімдермен және олардың заңды өкілдерімен түсіндіру жұмыстары жүргізілді. Материалдар кәмелетке толмағандардың істері жөніндегі комиссияға қосымша шаралар қабылдау үшін жолданды.
Ата-аналар балаларының жасаған бұзақылығы үшін, сондай-ақ оларды тәрбиелеу жөніндегі міндеттерін тиісінше орындамағаны үшін жауапкершілікке тартылды.
Полиция мұндай әрекеттер — жай еркелік емес, айналадағы адамдарға қауіп төндіретін қасақана әрекет екенін еске салады. Мұндай деректерге қатаң құқықтық баға беріледі.
Заңнамада белгіленген тәртіппен бұл оқиғаға қатысты материалдар профилактикалық мақсатта, сондай-ақ осындай жағдайлардың қайталануын болдырмау үшін жария етілуі мүмкін.