Ермұрат Бәпи Айдос Садықовқа қарсы жасалған әрекетке қатысты пікір білдірді

Мәжіліс депутаты Ермұрат Бапи Украинадағы оппозициялық журналист Айдос Садықовқа жасалған шабуыл жайлы пікір білдірді.

– Менің ойымша, Айдосқа қарсы жасалған әрекетке Қазақстан билігінің қатысы жоқ. Оған не керек? Не қажеті бар? Провакациялық халықаралық дәрежедегі қастандық әрекетке араласуға Қазақстан мүдделі емес. Қазақстанда қандай мүдде болуы мүмкін? — дейді ол.

Депутат Айдос Садықовтың саяси тұлға емес екенін атап, «Қылмысқа кім жауапты?» деген сауалға тұспалдап жауап берді.

Айдос Қазақстанның билігіне қауіп төндіріп жүрген саяси тұлға емес. Ол кәсіби қызметін атқарып жүрген журналист. Айдосқа қастандық жасау арқылы әлдебір үшінші күштер Қазақстан мен басқа елдердің арасындағы қарым-қатынас арасына от жағу әрекеті ме деп ойлаймын, — дейді Ермұрат Бапи.

Еске салайық, Киевте белсенді Айдос Садықовқа белгісіз біреу қастандық жасаған