Антикор қызметке қабылдайтынын жариялады: жұмысқа кім орналаса алады?
2024 жылғы 15 шілдеден 15 тамызға дейін Сыбайлас жемқорлыққа қарсы іс-қимыл агенттігі құқық қорғау қызметіне алғаш рет кіретін азаматтар үшін бастапқы кәсіптік даярлыққа құжаттарды қабылдауды жүргізеді.
Кім керек?
1. Қазақстан азаматтығы
2. 18-ден 35 жасқа дейін
3. Жоғары заңгерлік, экономикалық немесе қаржылық білім
Ол үшін не қажет? құқық қорғау органдары үшін 2-ші бағдарлама бойынша тестілеудің нәтижесі; өтініш; жеке куәліктің көшірмесі, білім туралы құжат, өмірбаян, елдің кез келген өңірінде қызмет етуге келісім және әскери билет (тіркеу куәлігі). Барлық құжаттарды Агенттіктің аумақтық департаментіне тапсыру қажет. Іріктеу туралы толық ақпаратты сілтеме арқылы алуға болады.