Қазақстан Қорғаныс министрлігінде Қарулы Күштерді қаржыландыру туралы айтылып, олардың қазіргі кездегі жауынгерлік қабілеттілігіне баға берілді, деп хабарлайды «BaiMedia» ақпараттық порталы.
«Республикалық бюджеттің мүмкіндіктерін ескере отырып, Қорғаныс министрлігінің 2025 жылға арналған шығыстары республикалық бюджет комиссиясы ЖІӨ-нің 0,68 пайызы мөлшерін құрады. Қосымша қажеттілік бар. Бұл мәселе 2025 жылғы бюджетті нақтылау кезінде қаралатын болады», — деп хабарлады Қорғаныс министрлігі.
Сондай-ақ, қазіргі уақытта елдің жауынгерлік қабілеттілігіне баға берілді.
«Қазақстан Республикасының әскери доктринасына сәйкес республиканың әскери қауіпсіздігін қамтамасыз ету қорғаныс сипатында болады және Қазақстанның ұлттық мүдделерді қорғау үшін дипломатиялық, саяси, құқықтық, экономикалық және басқа да әскери емес құралдарды басымдықпен пайдалануға бейілділігін көрсетеді. Қазақстан Республикасы мемлекеттердің ешқайсысын жау ретінде қарастырмайды», — деді.
Әскердің жауынгерлік тиімділігін арттыру мақсатында оқыту жүйесі белсенді түрде жетілдіріліп, әскери кадрларды даярлаудың заманауи әдістері мен технологиялары енгізілуде. Қарулы Күштерімізге әртүрлі жағдайларда тиімді әрекет етуге және өзгермелі ортаға бейімделуге мүмкіндік беретін жауынгерлік дағдылар мен тактикалық дайындықты арттыруға ерекше көңіл бөлінеді.
«Халықаралық әскери ынтымақтастық және көпұлтты оқу-жаттығуларға қатысу белсенді дамып келеді, бұл тәжірибе алмасуға және серіктестермен өзара іс-қимылды жақсартуға ықпал етеді. Бұл бастамалар өз Қарулы күштеріне деген сенімділікті, армиямыздың ұлттық мүдделерді тиімді қорғау және халқымыздың қауіпсіздігін қамтамасыз ету қабілетін нығайтуға бағытталған», — деп қосты министрлік.