Қазақстаннан көшіп кеткен азаматтар 377 млрд теңге көлемінде зейнетақы жинағын алды.
Бұл – Бірыңғай жинақтаушы зейнетақы қоры (БЖЗҚ) құрылған 2013 жылдан бергі мәлімет.
Осы уақыт ішінде 210 мыңнан астам салымшы өз жинағын толық шешіп алған. Бұл азаматтар бүгінде Қазақстанның бұрынғы азаматтары саналады.
Зейнетақы жинағын алу тәртібі мен қажетті құжаттар туралы ақпаратты enpf.kz ресми сайтынан біле алады.
Соңғы алты жылда Қазақстан азаматтығынан шығушылар саны айтарлықтай азайған. Мәселен, 2019 жылы 1700 адам азаматтықтан шықса, 2024 жылы бұл көрсеткіш 77 адамды ғана құрады.
Бұл статистикаға елден күштеп шығарылғандар кірмейді.