Автор: asylbek

Алматыда ұрықты қорғау орталығы ашылды Алматыдағы Перинатология орталығының базасында ұрықтың ішілік даму ақауларын диагностикалаудың толық циклі қолжетімді болды. Бұл қала әкімі Ерболат Досаевтың тапсырмасы бойынша ұрықты қорғау орталығын құрудың арқасында мүмкін болды. Бұдан былай сіздің барлық процедуралар мен қажетті кеңесті бір орталықтан алуға мүмкіндігіңіз бар. Өткен жылы Ұрықты қорғау орталығында жүкті әйелдерге арналған 1,8 мыңнан астам консультация өткізілді, оның 700-ден астамы медициналық-генетикалық көрсеткіштер бойынша жүктілікті тоқтату туралы шешім қабылдау үшін көпсалалы консилиумға жіберілді. Сондай-ақ, биылдан ұрықтың даму ақауын түзету үшін ұрық хирургиясы енгізілді. Бұл перинаталдық өлім-жітімді және балалардың мүгедектігін азайтуға мүмкіндік береді. Төрт маман Израиль мен Ресейде ұрық хирургиясы бойынша…

Тэчжон, 2024 жылғы 12 наурыз – Қазақстанның Оңтүстік Кореядағы Елшісі Нұрғали Арыстанов Тэчжон қаласының мэрі Ли Чжанг Умен кездесу өткізіп, ынтымақтастықтың перспективалық бағыттарын талқылады. Сұхбаттасу барысында Қазақстан Елшісі ғылым мен білім саласындағы негізгі басымдылықтарды атап өтіп, екі елдің университеттері мен ғылыми орталықтары арасындағы өзара іс-қимылға назар аударуды ұсынды. Ол ҚР Президенті Қасым-Жомарт Тоқаев белгілеген елдің ғылыми-техникалық әлеуетін кеңейту жөніндегі міндеттері аясында Оңтүстік Кореямен, әсіресе цифрлық трансформация және білікті мамандарды даярлау саласындағы ынтымақтастықты кеңейтудің жаңа мүмкіндіктері ашылып жатқандығын атап өтті. Корей мэрі ең алдымен бауырластық қарым-қатынас орнату туралы меморандумға қол қойылған Қызылорда облысымен ынтымақтастықты кеңейтуге дайын екенін білдірді. Қазақстан өңірлері мен Тэчжон…

Бишімбаев ісі: Алқабиге кандидаттар хабарлама алды 300 адам жабық есік жағдайында өтетін қазылар алқасының іріктеуіне шақырылғаны туралы хабарлама алды. Оның ішінде тек 12 адам ғана қорытынды құрамға енеді. Судьяларды іріктеу “қауіпсіздік пен бейтараптылықты” қамтамасыз ету үшін негізгі сот талқылауы жабық есік жағдайында өтеді. Бұған дейін, Бишімбаевтың ісі бойынша негізгі сот отырысы алқабилердің қатысуымен 27 наурызда өтетіні айтылған еді.

Ақтауда «Ақсақалдардың аталы сөзі» республикалық конференциясы өтті Бүгін көктемгі Көрісу күні – Амал мерекесі қарсаңында екінші республикалық отырыс аясында Қазақстан халқы Ассамблеясының өңірлік «Ақсақалдар кеңесінің» қатысуымен «Ақсақалдардың аталы сөзі» атты конференция өтті. Ғалым Шойкин Мемлекет басшысы 2022 жылдың қарашасында Қазақстан халқы Ассамблеясы жанындағы «Ақсақалдар кеңесі» қызметін өңірлерде жолға қоюды, олардың жұмысын жүйелеуді, жаңа серпін беріп, мәртебесін арттыру жөнінде шаралар қабылдауды тапсырғанын еске салды. «Ақсақалдар кеңесі қазақ халқының дәстүрінде ежелден бері бар дүние және қоғам мен билік арасын жалғайтын – алтын көпір. Ғасырлар бойы ақсақалдар кеңесінің тікелей араласуымен елде бірлік, қоғамда тұрақтылық орнады. Ақсақалдар татулыққа, бірлікке шақырды. Жастарға берілетін аға буынның…

Мәдениет және ақпарат министрі Аида Балаева бұқаралық ақпарат құралдары өкілдерінің Қуандық Бишімбаевтың ісіне қатысты сот отырысына неліктен жіберілмегендігі жөнінде пікір білдірді «Кешегі сот отырысында арнайы орынның болмауына байланысты БАҚ өкілдері сот отырысын белгіленген бөлек бөлмеде отырып көрді. Алайда БАҚ өкілдеріне тиісті орындар болуы керек. Осы жағдайды ескере отырып, министрлік мүдделі мемлекеттік органдармен бірлесіп, журналистерді қажет орындармен қамту жұмысын жүргізетін болады. Жалпы, БАҚ өкілдерін сот процесін жариялау кезінде бірқатар этикалық аспектілерді, атап айтсақ, заң үстемдігін, бейтарап әділеттілікті ескеріп, жалған ақпараттың таралуынан және кез келген формада сот қызметіне араласудан сақ болуға шақырамын», – деп жазды министр желідегі парақшасында.

Мереке батыс өңірлерден бастау алады. Бұл күнді Амал мерекесі деп те атайды. Көрісу күнінің қашан және қалай пайда болғаны туралы нақты дерек жоқ. Алайда этнографтардың бір бөлігі оны күнтізбемен байланыстырады. Ақын, философ Шәкәрім Құдайбердіұлының ұлы Ахаттың жазбаларында 14 наурыз – ескіше бірінші наурыз екені айтылады. «Әкей айтты: бүгін ескіше 1 март, қазақша Жаңа жыл – Ұлыстың ұлы күні», — делінген ақын жазбасында.

KAZINFORM — Мемлекет басшысы Қасым-Жомарт Тоқаев Амал күнімен құттықтады, деп хабарлайды Ақорданың баспасөз қызметі. «Әз-Наурыздың бастауы – Амал күні құтты болсын! Бұл – халқымыздың ежелгі әдет-ғұрпын жаңғыртып, төл мәдениетіміздің ажырамас бөлігіне айналған бірегей дәстүріміз. Осы күні ұлттық болмысымыз бен құндылықтарымыз ерекше дәріптеледі. Ел ырысы көбейе берсін! Жыл жақсылығымен келсін!» – деп жазды Президент өзінің Х парақшасында. Бұған дейін Амал күнінде кім кімге барып көрісуі керек екені туралы мәлімет жариялаған болатынбыз.

Алматы әкімдігі ағашты егуге емес кесуге қаражат бөлуде Алматы қаласы әкімдігінің  Мәдениет басқармасына қарасты «Алматы хайуанаттар бағы» ҚМҚК мекемесі мемлекеттік сатып алу лотында 8 млн тенгеге  «Орман ағаштарын санитарлық кесу бойынша  жұмыстары» лотын жариялаған.  Шие, шынар, өрік, қара жаңғақ, қара терек, вавилондық талдар мен қарағаштардың 41 тал ағашын кесіп тастауға қаражат бөлініп отыр. Лот мүгедектер қоғамдары арасында жарияланған. Заң бойынша мүгедектер қоғамынан ешкім қатыспаса заңды тұлғалар ұтып алары сөзсіз. Ендеше «Алматы хайуанаттар бағы» ҚМҚК басшылығы бір сенбілік ұйымдастырып ғана  мемлекеттің қаражатын ауаға шашпай-ақ 41 тал ағашты емдеп, суарып жөндеп алуға болмас па еді? Президентіміз 2 млрд ағаш «егіндер» деп…

«Біз туралы жағымсыз сөз айтып жүрген депутаттардың мәселесін айттым»: Қошанов Ресейге сапары туралы қорытындылады Жақында Ерлан Қошанов Ресейге ресми сапармен барған. Ол Федерация кеңесінің басшысы Валентина Матвиенкомен кездесті. Мәжілістің жалпы отырысынан шыққан спикерге «2024 жылғы 3-4 наурыз аралығында Ресейге ресми сапармен бардыңыз. Онда РФ Мемлекеттік думаның төрағасы Вячеслав Володинге ресейлік депутаттардың Қазақстан туралы жағымсыз пікірлерін, еліміздің территориялық тұтастығына қатысты айтылған мәселелерді көтердіңіз бе?» деген сұрақ қойылды. Мәжіліс төрағасының айтуынша, олар ресейлік сарапшылардың Қазақстанға қарсы арандатушылық мәлімдемелерін талқылаған. «Бұл туралы біз сөйлестік. Бірлесіп, мұның жолын кесеміз. Бұл мәселе туралы Ресей Федерациясы Федералдық жиналысы Федерация кеңесінің төрағасы Валентина Матвиенкомен сөйлестік. Ол уәде…

«Хабар» арнасындағы «Бірақ…» атты   ток-шоу жабылды Редакция күйеуінен зәбір көрген 6 баланың анасын студияға шақырған. Ол 18 жыл бойы зорлық-зомбылық көрген. Күйеуі ұрып-соғып, қолын да сындырған. Бағдарлама авторлары әйелдің түрін көрсетпеуге уәде берген, күйеуі бағдарламаға шақырылмайтынын айтқан. Бірақ көріп тұрғаныңыздай, ешбір уәде орындалмаған. Салдарынан студияда күйеуін көрген әйелдің психологиялық жағдайы қиындап кетті. «Мемлекеттік идеологияны жүргізіп отырған мемлекеттік телеарна бұндай олқылыққа жол бермеуге тиіс еді. Редакция кейіпкерлерді көпшілік алдында қорламауы қажет еді», — деп жазды министр Балаева.