Астана. 25 қыркүйек. BM.KZ – Аустралия әлемде алғаш болып жасөспірімдерге әлеуметтік желілерді пайдалануға тыйым салды. Бұл бастамаға БҰҰ қолдау білдірді, деп хабарлайды АЗӘРТАДЖ.
Премьер-министр Энтони Альбанезе Нью-Йоркте өткен БҰҰ Бас Ассамблеясы аясындағы «Цифрлық дәуірде балаларды қорғау» іс-шарасында әлеуметтік желілердің балаларға төндіретін қауіптері «үнемі өзгеріп отыратынын» атап өтті.
Жаңа заңға сәйкес, 2024 жылдың қарашасынан бастап 16 жасқа дейінгі жасөспірімдердің әлеуметтік желілерде аккаунт ашуына шектеу қойылды. Бұған дейін бұл жас шегі 13 еді.
Билік технологиялық компаниялардан пайдаланушылардың жасын жасанды интеллект пен мінез-құлық деректерін қолдана отырып анықтауды талап етуде. Альбанезе мұны толық қауіпсіздікті қамтамасыз етпесе де, «дұрыс бағыттағы маңызды қадам» деп бағалады.
Еуропалық комиссия төрайымы Урсула фон дер Ляйен де бұл бастамадан шабыт алғанын жеткізді. Ал Аустралия үкіметі шектеуді психикалық денсаулыққа зиян, дезинформация, қорқыту және зиянды дене бейнесін тарату қаупімен байланыстырды.
«Бұл – балаларды өмірінің ең маңызды кезеңінде қорғауға бағытталған ақылға қонымды, бірақ кешігіп жасалған шара», – деді Аустралия Премьер-министрі.