5 маусымда Атырау облысына қарасты Құлсары қаласында 2018 жылы туған 8 жастағы қыз бала үйінен белгісіз бағытқа кетіп, қайта оралмаған. Сол күні кешкі сағат 21:28-де қыздың ата-анасы баланың жоғалғаны туралы жергілікті полицияға хабарлаған.
Жедел іздестіру шараларының нәтижесінде 6 маусымға қараған түні, шамамен сағат 02:19-да баланың денесі Құрсай өзегінен табылды. Бұл қайғылы оқиға қатысты бейне жазбада, егде жастағы ер адамның қыз баланы ертіп бара жатқандығы түсіп қалған. Әлеуметтік желіге таралып үлгерген бейне материал қоғамда үлкен резонанс тудырды.
Аталған факт бойынша 36 жастағы Құлсары қаласының тұрғыны күдікті ретінде ұсталып, уақытша ұстау изоляторына қамалды. Қазіргі уақытта ҚР Қылмыстық кодексінің 99-бабы — «Адам өлтіру» бойынша қылмыстық іс қозғалып, тергеу амалдары басталды.
Бұл іс Атырау облыстық полиция департаменті бастығының ерекше бақылауына алынды. Құқық қорғау органдары аталған қылмыстың аса ауыр екенін және заң бойынша ең қатаң жаза қарастырылатынын атап өтті.