Жыл сайын 5 маусымда әлемнің түкпір-түкпірінде Экологтар күні атап өтіледі. Бұл күн бізге табиғатты қорғаудың маңыздылығын еске салып, экологиялық сананы арттыруға бағытталған. Қазақстан да бұл мерекені атап өтуде, және еліміздің экологиялық ахуалына назар аудару үшін ерекше мәнге ие.
Экологтар – бұл біздің табиғатымыздың қорғаушылары, экожүйелердің тұрақтылығы мен болашақ ұрпақтар үшін табиғи байлықтарды сақтау жолында аянбай еңбек ететін мамандар. Олардың күнделікті еңбегі – табиғи ресурстарды ұтымды пайдалану, қалдықтарды басқару, ауа мен судың сапасын бақылау және экологиялық білім беру сияқты маңызды міндеттерді атқару.
Бүгінгі таңда әлем тұрақты даму принциптеріне негізделген экономикалық және әлеуметтік үлгіге көшуге ұмтылуда. Қазақстан да бұл үдеріске белсенді қатысуда. Экологтар күні біз табиғатты қорғау бағытындағы маңызды қадамдарды атап өтеміз. Қоршаған ортаны сақтау үшін әрбір азаматтың үлесі қажет. Орманды алқаптарды қалпына келтіру, суды үнемдеу, қалдықтарды сұрыптау және қайта өңдеу сияқты қарапайым іс-шаралар үлкен нәтижеге қол жеткізуге көмектеседі.
Экологтар күні бізге табиғатпен үйлесімді өмір сүру қажеттілігін, экологиялық тепе-теңдікті сақтау үшін барлық мүмкіндіктерді пайдалану керектігін еске салады. Баршаңызды осы маңызды күні табиғатты қорғауға және экологиялық сананы арттыруға шақырамыз. Болашақ ұрпақ үшін табиғатымызды бірге сақтайық!
